Jóvenes Científicos
STEAM Makers
Xóvenes Científicos é un proxecto sen ánimo de lucro e con carácter asociativo de Leader Dreams "for Kids" que ten como finalidade axudar aos xóvenes (10-18 anos) a desenvolver un carácter libre e emprendedor que lles permita loitar polas súas ideas e alcanzar os seus soños. A través de distintas actividades búscase que os participantes aprendan a superar obstáculos por si mesmos, desenvolvan un pensamento crítico e adquiran a capacidade de aprender a aprender. É unha educación orientada á adquisición de competencias que, no seu desenvolvemento, asimila conceptos científicos, artísticos e culturais.
"Bailando o Camiño"
No «Camiño das Estrelas» o peregrino enfrontará os seus medos mais íntimos. Coñecelos e aprender a «bailar» con eles, será o segredo do éxito: ¡ven! ¡acompáñame! ¡percorramos xuntos o Camiño do Heroe!
Videoclip da canción «Bailando o Camiño» de David Alonso Rodríguez gravado en Cuatro Pasos – Escuela de Danza coa colaboración de Talentia (Colexio Maristas Santa Maria). Este baile pertence a un proxecto iniciado en La Molinera, desenvolto por Vieiro Asociación e subvencionado pola Xunta de Galicia dentro do programa #OTeuXacobeo #Xacobeo2021 pronto haberá mais: #Innovación #Tecnoloxía #Arte
Lean startup
Os participantes traballan nun proxecto desenvolvendo a súa capacidade creativa e de construción. Son Makers no sentido xa estendido do termo (Arduino, Apps, etc.), pero tamén son Makers da Comunicación (deseño de marca, vídeo, audio, imaxe, etc.), e Makers de Equipo.
As actividades conflúen nun único proxecto cun produto final (un xogo): estúdiase o mercado (empresa-equipo), deseña-se un produto (enxeñería-tecnoloxía), e apréndese a vendelo (campaña publicitaria-comunicación). Deste xeito, as diferentes actividades únense nun auténtico proxecto empresarial, no cal os rapaces fan realidade un soño/idea.
"Galifornia Dreamers"
Vídeo resumo de "Galifornia Dreamers" dentro do programa #IniciativaXove. Obradoiros tecnolóxicos e deportivos #steam relacionados co #surf e o #piragüismo fundamentalmente, deportes que mostran a paisaxe de #galicia, practicados pola nosa #mocidade. Os nosos obradoiros "Galifornia dreamers" Esferas intelixentes (programables): 2 sesións Construción de drons: 3 sesións Táboas electroluminiscentes (estilo lightbalance): 2 sesións Competencias dixitais (básicas e avanzadas): 2 sesións Historias xeniais con Genially: 1 sesións Programación de LEGO EV3 con Python: 1 sesión Deseño e programación de robots LEGO Mindstorms: 2 sesións Iniciación ao voo FPV: 1 sesión Obradoiro de deseño e construción de piraguas: 1 día (9h). Data 9/10/21 Obradoiro de robótica creativa: 1 sesión Proxecto que foi posible grazas ao programa "Iniciativa Xove" da Xunta de Galicia.
Participación en Concursos
Espectacular #regatasolar #marineinstruments en Baiona @RegataMarine. Unha experiencia que imos repetir. Educación por proxectos, aprendizaxe STEAM.
O Piano Xigante
Formaremos un equipo interdisciplinar de mozos que deseñará un producto mínimo viable (PMV) cunha dinámica Lean StartUp. Para isto, precisamos mozos de entre 16-24 anos que queiran participar neste proxecto único e especial. Se estás interesado contáctanos, non te arrepentirás. Será moi divertido e aprenderás a traballar coa dinámica propia do século XXI.
PMV: Preténdese construír un piano xigante e facer unha serie de espectáculos estilo “Big” (Tom Hanks) narrando unha historia de superación como “O Mago de Oz” e facendo un paralelismo co “Camiño de Santiago”: enxeñería, programación, manualidades, música, baile, etc. é un producto que aúna todas as dimensións persoais e, por isto, poderás traballar no que realmente se te da ben.
LER-CONTA-MOITO
Continuamos a innovar nos nosos obradoiros de «Ler conta moito»: este ano introducimos drons no Xogo de Ender e construímos os nosos propios marcadores laser. Contamos con vos! Aquí as nosas propostas:
1. O Xogo de Ender (robótica creativa, drons e lásertag):
Unha clase de Robótica creativa, moi divertida: aprenderán a programar con bitbloq e arduino, construirán un pequeno circuito eléctrico e xogarán cun lasertag moi orixinal: terán que facer voar dous cuadricopteros e desactivalos coas pistolas láser.
2. O Principiño en figuras de luz (contacontos e obradoiro artístico):
Contamos a historia do Principiño e facemos un obradoiro de figuras luminosas moi atractivas. Sempre construímos algo para a propia Biblioteca e os rapaces.
